कांदा दरात मोठ्या प्रमाणात घसरण, बाजारसमितीत काय मिळतोय दर? 

कांदा दरात सतत घसरण सुरू आहे. त्यामुळे कांदा उत्पादक शेतकरी अडचणीत आला आहे. मार्चअखेरमुळे बहुतांश बाजारसमित्या गेल्या दहा दिवसांपासुन बंद आहे. ४ एप्रिल पासुन लेव्हीच्या मुद्यामुळे बाजारसमिती बंद आहेत. याचा फटका शेतकऱ्यांना बसत आहे. 

महाराष्ट्र राज्य पणन मंडळाच्या अधिकृत माहितीनुसार आज ८ एप्रिल रोजी कांद्याला पुणे-मोशी बाजारसमितीत सरासरी दर हा ८०० रूपये मिळाला आहे. तर या बाजारसमितीत कमीतकमी ४०० ते जास्तीत जास्त १२०० रूपये दर मिळाला असुन ८३१ क्विंटल कांद्याची आवक झाली आहे. पुणे- पिंपरी बााजारसमितीत लोकल कांद्याला आज सरासरी १२०० रूपये भाव मिळाला असुन कमीतकमी दर हा १००० जास्तीत जास्त दर हा १४०० रूपये मिळाला आहे.या बाजारसमितीत आज ९ क्विंटल लोकल कांद्याची आवक झाली आहे.

कांदा दरात होणाऱ्या सततच्या घसरणीमुळे आणि काही बाजारसमिती १० दिवस बंद असल्याने कांदा उत्पादक शेतकरी  नाराज असल्याचे पाहायला मिळत आहे.